<p><a href="http://<iframe width=&quot;560&quot; height=&quot;315&quot; src=&quot;https://www.youtube.com/embed/veUw30zdX3E&quot; title=&quot;YouTube video player&quot; frameborder=&quot;0&quot; allow=&quot;accelerometer; autoplay; clipboard-write; encrypted-media; gyroscope; picture-in-picture&quot; allowfullscreen></iframe>" target="_blank" aria-label="video"><iframe width="560" height="315" src="https://www.youtube.com/embed/veUw30zdX3E" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen=""></iframe></a><br></p>

Yerli özünüidarəetmə orqanları - bələdiyyələrin fəaliyyətinə dair video-çarx

<div>Şanlı tariximiz olan Vətən müharibəsində qazanılmış misilsiz qələbənin əbədiləşdirilməsi məqsədilə ölkə Prezidenti İlham Əliyevin 2020-ci il 3 dekabr tarixli Sərəncamı ilə təsis edilmiş 8 Noyabr - Zəfər Günü ölkəmizin hər yerində, o cümlədən azad edilmiş ərazilərimizdə təntənəli şəkildə geniş qeyd olunur.</div><div>Bu münasibətlə Ədliyyə Nazirliyində və struktur qurumlarda silsilə tədbirlər təşkil edilib, nazirliyin rəhbərliyi və kollektivi tərəfindən II Fəxri xiyabanda Vətən müharibəsi qəhrəmanlarının əziz xatirəsi anılıb. Şəhid ədliyyə işçisi Ruhin Xəlilovun məzarı ziyarət olunaraq önünə gül dəstələri qoyulub, nazirlikdə çalışdığı xidməti otaqların qarşısında xatirə lövhələri quraşdırılıb.</div><div>Böyük Qələbənin ildönümü ilə bağlı ədliyyə orqanlarında çalışan Vətən müharibəsi veteranları və ailə üzvü şəhid olmuş işçilər mükafatlandırılıb, habelə ailələrinə və döyüşlərdə yaralanmış əməkdaşlara baş çəkilərək qayğı göstərilib, Qarabağ Dirçəliş Fonduna könüllü ianələr edilib.</div><div>Noyabrın 5-də Ədliyyə Nazirliyində Zəfər Gününə həsr olunan təntənəli yığıncaq keçirilib.</div><div>Tədbirdə ədliyyə naziri Fikrət Məmmədov, nazirliyin rəhbər heyəti və əməkdaşları, o cümlədən müharibə veteranları və kollektivin üzvü şəhid ədliyyə işçisinin həyat yoldaşı və qonaqlar iştirak ediblər.</div><div>Əvvəlcə ümummilli lider Heydər Əliyevin nazirlikdəki büstü önünə gül dəstələri qoyularaq əziz xatirəsi dərin ehtiramla yad edilib. Zəfər muzeyinin qarşısında şəhid ədliyyə işçisi R.Xəlilovun barelyefinin açılışı olub.</div><div>Sonra keçirilən yığıncaq Vətən uğrunda canını fəda edən şəhidlərimizin işıqlı xatirəsinin bir dəqiqəlik sükutla yad olunması ilə başlayıb, Vətən müharibəsində zəfər yolundan bəhs olunaraq bayram münasibətilə hazırlanmış film nümayiş etdirilib.</div><div>Ədliyyə naziri çıxış edərək Zəfər Günü münasibətilə kollektivi təbrik edib, ölkə Prezidenti, Müzəffər Ali Baş Komandan cənab İlham Əliyevin yenilməz sərkərdəliyi ilə Vətən müharibəsində qazanılmış Böyük Qələbədən danışıb, ulu öndər Heydər Əliyevin ən ümdə vəsiyyətinin və hər bir azərbaycanlının arzusunun reallığa çevrilərək müqəddəs torpaqlarımızın düşmən tapdağından azad olunması ilə xalqımızın zəfər salnaməsinin yazıldığını vurğulayıb.</div><div>Bildirib ki, Ümummilli Liderin milli müstəqilliyimizin rəmzi olaraq qəbul etdiyi üçrəngli bayrağımıza hörmət və ehtiram əlaməti olaraq təsis edilmiş Dövlət Bayrağı Günü yaxınlaşır və milli qürur mənbəyimiz olan bayrağımız ölkə Prezidentimiz tərəfindən azad edilmiş ərazilərimizdə ucaldılaraq vüqarla dalğalanır.</div><div>Dövlət başçısının rəhbərliyi ilə doğma torpaqlarımız nəhəng quruculuq işləri aparılmaqla sürətlə bərpa olunur, soydaşlarımız artıq öz dədə-baba yurdlarına dönürlər. Bu sahədə respublikamızın Birinci vitse-prezidenti Mehriban xanım Əliyevanın rəhbəri olduğu Heydər Əliyev Fondu tərəfindən mühüm layihələr reallaşdırılır. Qarabağın tacı, mədəniyyət paytaxtımız Şuşa şəhərinin əvvəlki siması və şöhrəti özünə qaytarılaraq mötəbər tədbirlərə uğurla ev sahibliyi edir.</div><div>Yığıncaqda müharibə başlanan andan Ədliyyə Nazirliyinin ordumuzla həmrəylik nümayiş etdirərək, hərbçilərimizə, yaralananlara və şəhid ailələrinə öz dəstəyini əsirgəmədiyi qeyd olunub, ədliyyə və məhkəmə işçilərinin döyüşlərdə igidlik və mərdliklə iştirak edərək əsl vətəndaşlıq nümunəsi və fədakarlıq göstərdiyi vurğulanaraq onların çoxsaylı dövlət medallarına layiq görüldüyü bildirilib. Nazirliyin növbəti böyük qrup əməkdaşlarına dövlət təltifləri, eləcə də müharibə veteranı vəsiqələri təqdim olunub.</div><div>Təltif olunan əməkdaşlar çıxış edərək müharibə iştirakçılarının və şəhid ailələrinin hərtərəfli dövlət qayğısı ilə əhatə olunmalarına görə ölkə Prezidentinə minnətdarlıqlarını ifadə edib, Ali Baş Komandanın əmrinə müntəzir olduqlarını söyləyiblər.</div><div>Tədbirə dəvət olunmuş Müdafiə Nazirliyinin qurum rəhbəri, müharibə veteranı polkovnik Elşad Əbilov çıxış edərək Azərbaycan Ordusunun ərazi bütövlüyümüzün bərpası ilə bağlı qarşıya qoyulmuş döyüş tapşırıqlarını yerinə yetirərkən göstərdiyi qəhrəmanlıq nümunələrindən bəhs edib, Silahlı Qüvvələrimizdə gənclərimizin milli və dövlətçilik maraqlarını hər şeydən üstün tutaraq Vətənə, xalqa, dövlətə sədaqətli xidmətlərini bu gün də şərəflə davam etdirdiyini vurğulayıb.</div><div>Bayram tədbirləri çərçivəsində ədliyyə işçiləri və könüllüləri xalqımızın parlaq zəfərinin və ordumuzun qəhrəmanlığının təcəssümü olan Hərbi Qənimətlər Parkı ilə tanış olublar. Nazirliyin Vətən müharibəsinə həsr olunmuş muzeyi yeni və maraqlı ekspozisiyalarla zənginləşdirilib, video-çarxlar, slaydlar nümayiş etdirilib.</div><div>Eyni zamanda ədliyyə orqanları arasında futzal turniri keçirilir, ədliyyə işçiləri və hakimlər tərəfindən mətbuatda çıxışlar edilir, nazirliyin internet saytında, o cümlədən “Qarabağ Azərbaycandır” elektron platformasında və sosial media hesablarında məlumatlar paylaşılır.</div><div><br></div>

Zəfər Günü Ədliyyə Nazirliyində təntənəli qeyd olunub

<p>Ölkə Prezidenti, Müzəffər Ali Baş Komandan cənab İlham Əliyevin rəhbərliyi ilə Böyük Qələbə ilə başa çatan Vətən müharibəsində ölkəmizin ərazi bütövlüyü uğrunda canlarını fəda etmiş qəhrəman övladlarımızın şücaəti xalqımız tərəfindən daim yüksək qiymətləndirilir, şəhidlərimizin xatirəsi uca tutularaq dərin ehtiramla yad edilir.</p><p>Eyni zamanda müharibə iştirakçılarının və şəhid ailələrinin qayğıları dövlət başçısının və respublikamızın Birinci vitse-prezidenti Mehriban xanım Əliyevanın daim diqqət mərkəzində olmaqla onların sosial müdafiəsinin və rifahının yaxşılaşdırılması ilə bağlı ardıcıl tədbirlər görülür. Həmin şəxslərin qayğılarına həssas münasibət hər bir kəsin vətəndaşlıq borcudur.</p><p>Yerli özünüidarəetmə orqanları tərəfindən də şəhid ailələrinin və müharibə iştirakçılarının müraciətlərinə hər zaman diqqətlə yanaşılması, problemlərinin həlli, şəhidlərimizin xatirəsinin əbədiləşdirilməsi ilə bağlı müvafiq tədbirlər görülür, bu sahədə Ədliyyə Nazirliyi tərəfindən bələdiyyələrlə mütəmadi metodoloji iş aparılır, onlara tövsiyələr göndərilir.</p><p>Eyni zamanda şəhid ailələrinin və müharibə iştirakçılarının yerli özünüidarəetmə fəaliyyəti barədə (əsasən torpaq tələbi) müraciətləri nazirlik tərəfindən xüsusilə nəzarətdə saxlanılaraq həlli ilə bağlı zəruri tədbirlər görülür. Vətən müharibəsindən sonrakı dövrdə 200-dək belə müraciətin təmin olunası müharibə iştirakçıları və şəhid ailələri tərəfindən minnətdarlıqla qarşılanıb.</p><p>Həmçinin bu dövrdə bələdiyyələr tərəfindən 500-ə yaxın şəhid ailəsi və müharibə iştirakçısına ümumilikdə 250 hektaradək torpaq sahəsi ayrılaraq mülkiyyətinə və icarəsinə verilib.</p><p>Bu tədbirlər çərçivəsində şəhidlərimizin xatirəsinin əbədiləşdirilməsi məsələlərinə xüsusi diqqət yetirilərək bələdiyyələr tərəfindən 329 şəhidin qəbirüstü abidəsi, 300-ə yaxın şəhidin xatirə lövhəsi tikilib, 135 abidə kompleksi və 157 bulaq istifadəyə verilib. Şəhidlərimizin anım mərasimi ilə bağlı 400-dək tədbir təşkil olunub, habelə şəhid ailələrinə və müharibə iştirakçılarına maddi yardımlar göstərilib, yaşadıqları evlərin və küçələrin təmiri və s. qayğılarının həlli üzrə davamlı tədbirlər görülüb.</p><p>Bu müddət ərzində qeyd olunan tədbirlərin həyata keçirilməsinə bələdiyyə büdcəsindən ümumilikdə 2,7 milyon manatdan çox vəsait xərclənib.</p><p>Bələdiyyələr tərəfindən müharibə iştirakçılarının və şəhid ailələrinin qayğıları diqqətdə saxlanılaraq müvafiq tədbirlər davam etdirilir.</p><p><br></p>

Yerli özünüidarəetmə orqanları tərəfindən müharibə iştirakçılarına və şəhid ailələrinə diqqət və qayğı göstərilir

<p>Ölkə Prezidenti İlham Əliyevin tapşırıqlarına uyğun olaraq müasir texnologiyalar və rəqəmsal innovasiyalar tətbiq olunmaqla əhaliyə elektron və mobil ədliyyə xidmətləri göstərilir.</p><p>Ədliyyə Nazirliyi tərəfindən aparılan və daim yenilənən “Hüquqi aktların vahid elektron bazası” (E-qanun.az) əhalinin normativ aktlar barədə məlumatlandırılmasına və hüquqi biliklərinin artırılmasına, qanunvericilikdəki yeniliklərlə rahatlıqla tanış olmasına xidmət edir.</p><p>Vətəndaşlar həmçinin “E-qanun” elektron resursunun mobil tətbiqindən də asanlıqla və rahatlıqla bəhrələnirlər.</p><p>Nazirlik tərəfindən həmin innovativ xidmətin əhəmiyyətinin geniş ictimaiyyətə çatdırılması məqsədilə təqdimatlar davam etdirilir. Bununla bağlı Bələdiyyələrlə iş mərkəzində bütün bələdiyyə nümayəndələrinin iştirakı videoformatda tədbir keçirilib, “mobil E-qanun” tətbiqinin mahiyyəti aşılanıb, funksional imkanları nümayiş etdirilib.</p>

Bələdiyyə nümayəndələri üçün “mobil E-qanun”  tətbiqinin təqdimatı keçirilib

<p>Səbail bələdiyyəsi tərəfindən bələdiyyə ərazisində yaşayan 10 şəhid ailəsinin və 68 nəfər müharibə iştirakçısının hər birinə baş çəkilmiş, onların qayğıları ilə maraqlanılmış, bələdiyyə büdcəsi hesabına hər birinə ərzaq sovqatı verilmiş və şəhidlərin məzarları ziyarət edilərək üzərlərinə əklil qoyulmuşdur. </p><p>Badamdar bələdiyyəsi tərəfindən şəhid ailələri ziyarət olunmuş, “Anım günü” ərəfəsində 7 şəhidin yaşamış olduqları ünvanlarda barelyefləri vurularaq açılış mərasimləri keçirilmişdir. </p><p>Nəsimi bələdiyyəsinin nümayəndələri tərəfindən İkinci Fəxri Xiyabanda şəhidlərin məzarları ziyarət olunaraq gül çələngləri qoyulmuş, ərazidə yaşayan 24 şəhid ailəsinin ünvanına üzərinə şəhidin adı həkk olunmuş gül dibçəkləri göndərilmişdir. Yasamal bələdiyyəsi tərəfindən “Anım günü” ilə əlaqədar şəhidlərin məzarları ziyarət olunmuş və bələdiyyə tərəfindən 500 nəfərdən çox şəxsin iştirakı ilə ehsan verilmişdir. </p><p>Nərimanov bələdiyyəsi tərəfindən 26.09.2022-ci il tarixdə bələdiyyənin inzibati binasında şəhid ailələri ilə görüş keçirilmiş, çay süfrəsi təşkil olunmuş, şəhid övladlarına hədiyyələr təqdim edilmişdir. “Anım günü”ndə şəhid ailələri ziyarət olunaraq onlara maddi yardım edilmiş, İkinci Fəxri Xiyabanda şəhid məzarları üzərinə əklil və güllər qoyulmuş və 220 nəfərin iştirakı ilə ehsan süfrəsi təşkil olunmuşdur. Xətai bələdiyyəsi tərəfindən ərazidə yaşayan şəhid ailələri ziyarət edilmiş, onlardan ehtiyacı olan 2 ailəyə maddi yardım edilmiş, şəhidlərin məzarları ziyarət edilərək önünə əklillər qoyulmuş və bələdiyyə tərəfindən təşkil edilmiş ehsan süfrəsində 500 nəfərə ehsan verilmişdir. Binəqədi bələdiyyəsi tərəfindən ərazidə yaşayan 11 şəhid ailəsi ilə görüşülmüş, onlara maddi yardım edilmişdir. Rəsulzadə bələdiyyəsi tərəfindən ehsan məclisinin verilməsinə maddi yardım edilmiş və Vətən müharibəsi qazisi Nicat İsmayılovun müalicə xərclərinin ödənilməsinə köməklik göstərilmişdir. Keşlə bələdiyyəsi tərəfindən “Anım günü” ilə bağlı şəhidlərin anım mərasimi keçirilmiş, 9 şəhid və Vətən müharibəsi iştirakçısının ailəsinə maddi yardımlar edilmişdir. Sabunçu bələdiyyəsi tərəfindən bələdiyyə ərazisində yaşayan 9 şəhid ailəsi ilə görüşülmüş və onlara maddi yardım edilmişdir. Bakıxanov bələdiyyəsi tərəfindən təşkil edilmiş ehsan süfrəsində şəhid ailələri və müharibə iştirakçıları daxil olmaqla 300-ə yaxın şəxs iştirak etmişdir. Buzovna bələdiyyəsinin nümayəndələri tərəfindən ərazidə yaşayan 25 şəhid ailəsi və qazilər ziyarət edilmiş, onların hər birinə ərzaq sovqatı verilmişdir. Mərdəkan bələdiyyəsinin nümayəndələri tərəfindən qəsəbə ərazisində yerləşən Şəhidlər Xiyabanı ziyarət edilərək şəhidlərin əziz xatirəsi yad olunaraq ərazidə yaşayan şəhid ailələri və Vətən müharibəsi iştirakçılarının evlərinə gedilmiş və maddi yardım göstərilmiş, onlardan 1 nəfərin evində təmir işləri aparılmışdır. Qala bələdiyyəsi tərəfindən qəsəbə ərazisində inşa edilmiş Şəhidlərin xatirə abidəsinin önündə bələdiyyə nümayəndələrinin iştirakı ilə anım mərasimi təşkil edilərək şəhidlərin əziz xatirəsi yad edilmiş, onların məzarları ziyarət olunmuşdur. Binə bələdiyyəsi tərəfindən 12 nəfər Vətən müharibəsi şəhidinin ailəsi və qazilər ziyarət edilərək onlara sovqat verilmiş, şəhidlərin məzarları ziyarət edilərək əklil və güllər qoyulmuşdur. Sabunçu bələdiyyəsinin iştirakı ilə ehsan süfrəsi təşkil edilmiş, qəsəbə ərazisində yaşamış olan 9 şəhidin ailəsi ziyarət olunaraq onlara ərzaq sovqatı verilmişdir. Ələt bələdiyyəsi tərəfindən qəsəbə ərazisində yerləşən Şəhidlər Xiyabanı ziyarət edilərək məzarların üzərinə əklil və güllər qoyulmuş, bələdiyyənin təşkilatçılığı ilə ərazidə yaşayan 3 şəhid ailəsinin hər birinin evinin qarşısında salınmış abad guşələrdə anım mərasimləri təşkil edilmişdir. Həmçinin Şəhidlər Xiyabanında abadlıq işləri aparılaraq qurumuş ağaclar yenisi ilə əvəz edilmiş, işıq dirəyi basdırılmış və günəş enerjisi ilə işləyən işıqverən panel qoyulmuşdur. Qaradağ rayonunda yerləşən digər bələdiyyələrin nümayəndələri şəhid ailələrini ziyarət etmiş və onlarla birlikdə anım mərasimi keçirmişlər.</p>

Bələdiyyələr tərəfindən şəhid ailələri və müharibə iştirakçılarına göstərilən qayğı “Anım günü” münasibəti ilə də davam etdirilmişdir

<div>Ədliyyə Nazirliyi tərəfindən bələdiyyələrə göstərilən metodoloji yardım və bələdiyyələr tərəfindən qanunvericiliyin tələblərinə əməl olunması istiqamətində həyata keçirilən maarifləndirmə tədbirləri davam etdirilir.</div><div>Nazirliyin Bələdiyyələrlə iş mərkəzi tərəfindən bələdiyyə müəssisələrinin mənfəət vergisinin anlayışı, hesablanması qaydası, inzibati aktın qəbul edilməsi ilə bağlı məlumat vermə, inzibati aktın hüquqi qüvvəsi, maliyyə hesabatlarının tərtib olunması, eyni zamanda dövlət əmlakının bələdiyyə mülkiyyətinə verilməsi zamanı qanunvericiliyin tələblərinə əməl olunması ilə bağlı mövzulara dair bələdiyyə üzv və qulluqçuları üçün onlayn formatda seminarlar keçirilib.</div><div>Tədbirlərdə bölgə iqtisadiyyatının dinamik yüksəlişinə təkan verən bələdiyyə sahibkarlığının inkişafı üçün bələdiyyə müəssisələrinin yaradılmasının vacibliyi, yerli büdcənin formalaşmasında mənfəət vergisinin rolu və onun hesablanması, eləcə də yerli büdcəyə ödənilməsi zamanı yol verilən nöqsanların bələdiyyə müəssisələrinə yaratdığı maneçilik barədə, inzibati icraatın iştirakçısı kimi bələdiyyə orqanlarının fəaliyyətində “İnzibati icraat haqqında” Azərbaycan Respublikasının Qanununun tələblərinə əməl olunmasının əhəmiyyəti, həmçinin bələdiyyələrdə mühasibat uçotunun təşkili, aparılması və maliyyə hesabatlarının hazırlanması qaydaları, bələdiyyə əmlakının yaranması əsaslarından biri olan dövlət əmlakının bələdiyyə mülkiyyətinə verilməsi qaydası və müddətləri barədə əhatəli məruzələr dinlənilib.</div><div>Müzakirə olunan mövzular, həmçinin bələdiyyələrin gündəlik fəaliyyətlərində rastlaşdıqları məsələlər barədə iştirakçıların sualları ətraflı cavablandırılıb.</div>

Bələdiyyə üzv və qulluqçularının hüquqi maarifləndirilməsi daim diqqət mərkəzindədir

<p>“Açıq hökumətin təşviqinə dair 2020-2022-ci illər üçün Milli Fəaliyyət Planı” və “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı” üzrə qarşıya qoyulmuş vəzifələrin icrası ilə əlaqədar Ədliyyə Nazirliyinin Bələdiyyələrlə iş mərkəzi və Ədliyyə Akademiyasının birgə təşkilatçılığı ilə bələdiyyə üzv və qulluqçularında antikorrupsiya davranış modelinin formalaşdırılması, onların korrupsiyaya qarşı mübarizə və maraqlar toqquşması sahəsində maarfiləndirilməsi üçün cari ilin sentyabr ayında kurslar davam etdirilib.</p><p>Bu məqsədlə regional ədliyyə idarələrinin də imkanlarından istifadə etməklə ümumilikdə 100-dən çox bələdiyyə üzv və qulluqçularının (İmişli, Xaçmaz və Lənkəran regional ədliyyə idarələrinin yurisdiksiyasına daxil olan bələdiyyələr üzrə) iştirakı ilə distant formada təşkil edilmiş kurslarda korrupsiya hüquq pozuntuları, korrupsiya hüquq pozuntularının subyektləri, bu pozuntuların törədilməsinə görə qanunvericiliklə nəzərdə tutulmuş məsuliyyət tədbirləri, bələdiyyə üzv və qulluqçularının etik davranış qaydaları və digər məsələlər barədə geniş məlumat verilib və dinləyiciləri maraqlandıran suallar ətrafında müzakirə aparılıb.</p>

Korrupsiyaya qarşı mübarizə tədbirləri çərçivəsində bələdiyyə üzv və qulluqçularının maarifləndirilməsi məqsədilə Ədliyyə Nazirliyi tərəfindən tədbirlər davam etdirilir

<div>Bələdiyyə üzv və qulluqçularının hüquqi maarifləndirilməsi istiqamətində Ədliyyə Nazirliyi tərəfindən həyata keçirilən davamlı tədbirlər çərçivəsində cari ilin iyun ayında Sumqayıt, Gəncə, Lənkəran, Xaçmaz, Şirvan, Bərdə, Şəmkir, Şəki, Göyçay və İmişli regional ədliyyə idarələrinin ərazi yurisdiksiyasına aid rayonlarda, həmçinin yeni yaradılmış Qarabağ regional ədliyyə idarəsinin ərazi yurisdiksiyasına aid olan Ağdam və Fizuli rayonlarında fəaliyyət göstərən bələdiyyələrin iştirakı ilə seminar-müşavirələr keçirilib.</div><div>Seminarlarda bələdiyyə nümayəndələri ölkə Prezidenti İlham Əliyevin rəhbərliyi ilə həyata keçirilən mütərəqqi islahatlar, Qarabağda aparılan genişmiqyaslı yenidənqurma işləri barədə məlumat verib, dövlət başçısının 04.04.2022-ci il tarixli Sərəncamı ilə təsdiq edilmiş “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı”ndan irəli gələn vəzifələr diqqətə çatdırılıb, yerli özünüidarəetmədə korrupsiya risklərinin azaldılması məqsədilə aşkarlıq və ictimai iştirakçılığın təmin edilməsi ilə bağlı qanunvericiliyin tələbləri izah edilərək bu istiqamətdə tədbirlərin gücləndirilməsi, bələdiyyələrin fəaliyyətində İKT-lərin imkanlarından geniş istifadə edilməsi tövsiyə edilib.</div><div>Eyni zamanda bələdiyyə fəaliyyəti barədə yerli əhalinin məlumatlandırılması üçün bələdiyyələrin əlaqələndirmə şuralarının internet səhifələrindən istifadənin artırılması, vətəndaş müraciətlərinə, xüsusilə şəhid ailələrinin, müharibə iştirakçılarının qayğılarına diqqət və həssaslıqla yanaşılması diqqətə çatdırılıb.</div><div>Tədbirlərdə torpaq və əmlak vergisi üzrə vergi obyektlərinin qeydiyyatının dəqiqləşdirilməsi işinin başa çatdırılması, habelə vergilərin qanunvericiliyin tələblərinə uyğun hesablanması, vergilər üzrə debitor borcların yerli büdcəyə mədaxil olunması üçün ciddi tədbirlərin görülməsi, bələdiyyə əmlakından və büdcəsindən səmərəli istifadə edilməsi, yerli büdcənin icrası barədə yarımillik və illik hesabatlarının dəqiq, əhatəli hazırlanması ilə bağlı məsələlərə toxunulub, bu istiqamətlərdə qanunvericiliyin tələbləri ilə bağlı ətraflı izahlar verilib.</div><div>Həmçinin bələdiyyələrin idarəetmə xərclərinin maksimum azaldılması, icra aparatının səmərəli qurulması, yerli büdcə vəsaitlərinin daha çox yerli əhəmiyyətli məsələlərin həllinə, müxtəlif sosial layihələrin maliyyələşdirilməsinə yönəldilməsi ilə bağlı tövsiyələr verilib, bələdiyyələri narahat edən bir çox məsələlər ətrafında fikir mübadiləsi aparılıb, iştirakçıların sualları cavablandırılıb.</div><div>Qeyd olunan tədbirlərə bölgələrdə fəaliyyət göstərən 1000-dən çox bələdiyyə nümayəndələri qatılıblar.</div><div><br></div>

Xəbərlər